«Նուբարաշենի» իրականությունը լավ չկոծկող պետը պաշտոնանկ կարվի. «Հրապարակ»

«Նուբարաշեն» քրեակատարողական հիմնարկում ծավալված վերջին իրադարձությունները, մասնավորապես, ակտիվիստ Վարդգես Գասպարիի այնտեղ հայտնվելն ու բերդի իրականությունը ներկայացնելը, վատ է անդրադառնալու ՔԿՀ պետի՝ Ռուբեն Ստեփանյանի վրա, գրում է «Հրապարակ» օրաթերթը: 

Ստեփանյանին, ով Աժ պատգամավոր գեներալ Սեյրան Սարոյանի հետ բարեկամական կապ ունի, այս անգամ չի օգնի անգամ «գեներալ» թիկունքը, ընդգծում է թերթը։

«Նրան առաջիկայում հնարավոր է պաշտոնանկ անեն։ Որպես պոտենցիալ փոխարինող՝ շրջանառվում է «Դատապարտյալների հիվանդանոց» ՔԿՀ, «Աբովյան» ՔԿՀ նախկին պետ Արսեն Աֆրիկյանի անունը, ով նաև Տարոն Մարգարյանի ազգականն է»,- գրում է «Հրապարակ»֊ը։

Աֆրիկյանը, ըստ թերթի, նախկինում «Նուբարաշեն» ՔԿՀ-ի պետ էլ է եղել և պաշտոնից ազատվելու դիմում է գրել ցմահ դատապարտյալներ Սողոմոն Քոչարյանի և Մհեր Ենոքյանի փախուստից հետո:

Մանրամասները՝ թերթի այսօրվա համարում։