Home / Հայաստան / Նիկոլ Փաշինյանը ձևավորեց ՀՀ կառավարությունը

Նիկոլ Փաշինյանը ձևավորեց ՀՀ կառավարությունը

Այսօր ՀՀ նախագահ Արմեն Սարգսյանը ՀՀ վարչապետ Նիկոլ Փաշինյանի առաջարկությունների հիման վրա գործադիր մարմնում մի շարք նշանակումների վերաբերյալ հրամանագրեր է ստորագրել:

Այսպիսով՝ Զոհրաբ Մնացականյանը, որը մինչ այս զբաղեցնում էր ՄԱԿ-ում Հայաստանի մշտական ներկայացուցչի պաշտոնը, նշանակվել է ՀՀ արտաքին գործերի նախարար:

Էրիկ Գրիգորյանը, որը ՀՀ նախկին վարչապետ Կարեն Կարապետյանի օգնականն էր, նշանակվել է Բնապահպանության նախարար:

ՀՅԴ-ական Արծվիկ Մինասյանը նշանակվել է Տնտեսական զարգացման և ներդրումների նախարար: Նախկինում նա ՀՀ ԱԺ պատգամավոր էր, ինչպես նաև զբաղեցրել է Էկոնոմիկայի նախարարի և Բնապահպանության նախարարի պաշտոնները։

ԱԺ «Ելք» դաշինքի պատգամավոր, «Լուսավոր Հայաստան» կուսակցության փոխնախագահ Մանե Թանդիլյանը նշանակվել է Աշխատանքի և սոցիալական հարցերի նախարար:

ԱԺ «Ելք» խմբակցության պատգամավոր, «Իրավունքի գերակայություն» իրավապաշտպան ՀԿ-ի հիմնադիր նախագահ, փաստաբան Արտակ Զեյնալյանը նշանակվել է Արդարադատության նախարար:

ՀՀ գլխավոր գանձապետ Ատոմ Ջանջուղազյանը նշանակվել է Ֆինանսների նախարար:

ՀՀ սպորտի և Երիտասարդության հարցերի նախարար, Հայաստանի օլիմպիական կոմիտեի գլխավոր քարտողար Հրաչյա Ռոստոմյանը նշանակվել է Արտակարգ իրավիճակների նախարար:

Լևոն Վարդանյանը նշանակվել է Սպորտի և երիտասարդության հարցերի նախարար:

Աշոտ Հակոբյանը նշանակվել է Տրանսպորտի, կապի և տեղեկատվական տեխնոլոգիաների նախարար:

Լիլիթ Մակունցը նշանակվել է Մշակույթի նախարար:

Արթուր Գրիգորյանը նշանակվել է Էներգետիկ ենթակառուցվածքների և բնական պաշարների նախարար:

Արթուր Խաչատրյանը նշանակվել է Գյուղատնտեսության նախարար:

Արսեն Թորոսյանը նշանակվել է Առողջապահության նախարար:

Մհեր Գրիգորյանը նշանակվել է փոխվարչապետ:

Ավելի վաղ, հետևյալ նշանակումներ էին արվել․

ԱԺ «Ելք» խմբակցության պատգամավոր Արարատ Միրզոյանը նշանակվել է առաջին փոխվարչապետ:

«Քաղաքացիական պայմանագիր» կուսակցության մամուլի խոսնակ Տիգրան Ավինյանը նշանակվել է փոխվարչապետ։

«Քաղաքացիական պայմանագիր» կուսակցության ներկայացուցիչ Մխիթար Հայրապետյանը նշանակվել է Սփյուռքի նախարար։

Արտակարգ իրավիճակների նախարար Դավիթ Տոնոյանը նշանակվել է Պաշտպանության նախարար։

«Քաղաքացիական պայմանագիր» կուսակցության վարչության անդամ Արայիկ Հարությունյանը նշանակվել է Կրթության և գիտության նախարար։

«Քաղաքացիական պայմանագիր» կուսակցության փոխնախագահ Սուրեն Պապիկյանը նշանակվել է Տարածքային կառավարման և զարգացման նախարար: