Ծառուկյանը ԲՀԿ-ականներին հանձնարարել է քվեարկել «խղճին համապատասխան»

ԲՀԿ խմբակցության պատգամավոր Նաիրա Զոհրաբյանը երեկ «Հայկական ժամանակ»օրաթերթի թղթակցին պատմել է, թե ինչպես է քվեարկելու իրենց խմբակցությունը 100%-ով համամասնական ընտրակարգի անցնելու օրինագծի կապակցութամբ: Հիշեցնենք, որ քվեարկությունը կայանալու է այսօր:

«Խմբակցությունում կա տեսակետ, որ միանշանակ պաշտպանում են նախագիծը, որ օր առաջ անհրաժեշտ է անցնել համամասնականին, և պետք է կողմ քվեարկել նախագծին, բայց կա նաև մեր որոշ գործիչների տեսակետը, որ` այո, անհրաժեշտ է անցնել 100%-անոց համամասնական ընտրակարգին աստիճանաբար, բայց ընտրություններից 2 ամիս առաջ խաղի կանոններ փոխելը նպատակահարմար չէ։ Ուստի, քանի որ կան տարբեր տեսակետներ, խմբակցության նախագահի առաջարկությամբ` խմբակցությունը կմասնակցի ազատ քվեարկությամբ, այսինքն՝ յուրաքանչյուրը կքվեարկի իր մտքին, խղճին համապատասխան», – ասել է Զոհրաբյանը: