Երևանում բնակարանների գինը կտրուկ նվազում է

Հայաստանում անշարժ գույքի գները շարունակում են գահավիժել, գրում է «Հայկական ժամանակ» օրաթերթը՝ նշելով, որ, ըստ ՀՀ պետական կադաստրի հրապարակած տվյալների Երևանում բազմաբնակարան շենքերում բնակարանի մեկ քմ միջին գինը անցած տարվա համեմատ նվազել 110 տոկոսով:

«Եթե անցած տարվա հուլիսին բնակարանի 1 քմ միջին գինը Երևանում եղել 1702 դոլար, ապա այս տարվա հուլիսին կազմել է ընդամենը 627 դոլար: Երևանի կենտրոնում բնակարանի մեկ քմ-ի գինը անցած տարվա հուլիսին եղել է 1 200 դոլար, այս տարվա հուլիսին` 1010 դոլար, այսինքն`էժանացել է մոտ 16 տոկոսով: Գների նվազմանը զուգահեռ` 5.6 տոկոսով նվազել է նաև բնակարանների առուվաճառքների թիվը: Բացի այդ, 9 տոկոսով էլ նվազել է հիփոթեկային գործարքների թիվը», – ներկայացնում է «ՀԺ»-ն:

Թերթն ընդգծում է, որ այս միտումը Հայաստանում արձանագրվում է արդեն 4-րդ տարին:

«Անշարժ գույքի այսպիսի համառ էժանացումը պայմանավորված է անշարժ գույքի նկատմամբ պահանջարկի անընդմեջ նվազմամբ: Սա էլ իր հերթին պայմանավորված է ՀՀ տնտեսական իրավիճակի շարունակվող վատթարացմամբ և ուժգնացող արտագաղթով», – եզրափակում է օրաթերթը: