Epress.am Լուրեր Հայաստանից
Առանց Ռուսաստանի Կովկասում խաղաղություն չի եղել և չի լինելու: Այսպիսի կարծիք է հայտնել Ռուսաստանի կոմունիստական կուսակցության ղեկավար Գենադի Զյուգանովը՝ Ադրբեջանի մայրաքաղաք Բաքվում խոսելով ղարաբաղյան հակամարտության մասին:
«Դա հեշտ խնդիր չէ, և ես կարծում եմ, որ ամեն ինչ պետք է որոշվի բանակցությունների սեղանի շուրջ: Իսկ բանակցությունները, իրենց հերթին, պետք է լինեն հավասարակշռված և խելամիտ: Ռուսաստանը պետք է առավելագույն ջանքեր գործադրի ղարաբաղյան հակամարտության խաղաղ լուծմանը հասնելու համար: Երկխոսությունից չի կարելի հրաժարվել, պետք է համբերություն ունենալ, և մենք կգտնենք լուծումը», – հայտարարել է Զյուգանովը Vesti.az կայքի հետ զրույցում: