Epress.am Լուրեր Հայաստանից
Հանրապետական կուսակցության գործադիր մարմնի վերջին նիստի ժամանակ Սերժ Սարգսյանը շատ կոպիտ է խոսել ՀՀ ԱԺ նախագահ Հովիկ Աբրահամյանի հետ: Այս մասին գրում է «Ժողովուրդ» օրաթրեթը՝ հղում կատարելով իր աղբյուրներին:
Թերթը նշում է, որ երբ քննարկվել է ապրիլի 9-ին կայանալիք Սերժ Սարգսյանի երդմնակալության հարցը, ԱԺ նախագահը վստահեցրել է, թե ԲՀԿ առաջնորդ Գագիկ Ծառուկյանը ներկա է լինելու:
«Սակայն Սերժ Սարգսյանը խիստ տոնով ընդհանտել է Աբրահամյանին՝ նշելով, որ դա իրեն չի հետաքրքրում, և, ընդհանրապես, վերջին ժամանակներս Աբրահամյանը չի կարողանում հստակ պատասխաններ տալ իր խնամուն՝ Գագիկ Ծառուկյանին առնչվող հարցերին», – գրում է թերթը:
ՀՀԿ ԱԺ խմբակցության ղեկավար Գալուստ Սահակյանը «Ժողովուրդ»-ի հետ զրույցում նշել է, որ որևէ խոսակցություն Սարգսյանն ու Աբրահամյանը չեն ունեցել, «նման խնդիր չէր էլ կարող լինել»: Այն հարցին, թե արդյոք Գագիկ Ծառուկյանը ներկա է լինելու նիստին՝ Սահակյանը պատասխանել է, որ նա պարտավոր է գալ, քանի որ երդմնակալության արարաղությունը տեղի է ունենում ԱԺ նիստի ընթացքում, իսկ ԱԺ նիստին պատգամավորը պարտավոր է ներկա լինել:
Գագիկ Ծառուկյանի խոսնակ Իվետա Տոնոյանը հարցի առնչությամբ թերթին ասել է.
«Այս պահին այդ մասին որևէ հստակ տեղեկատվության չեմ տիրապետում: Ծառուկյանը երկրում չէր, և նրա անելիքների հետ կապված քննարկման հնարավորություն դեռ չեմ ունեցել»: