Epress.am Լուրեր Հայաստանից
Այսօր ՀՀԿ Գործադիր մարմնի նիստում վարչապետ Տիգրան Սարգսյանը կներկայացնի իր ձևավորած կառավարության նոր կազմը, գրում է «168» ժամ պարբերականը:
Թերթը նշում է, որ նոր կառավարությունը կլինի հնի կրկնությունը՝ մի քանի փոքր և խիստ կոսմետիկ փոփոխություններով:
«168 ժամ»-ի տեղեկություններով, փոխվելու են ընդամենը երեք նախարարներ՝ ֆինանսների նախարար Վաչե Գաբրիելյանին կփոխարինի ՊԵԿ նախագահ Գագիկ Խաչատրյանը, Սփյուռքի նախարար Հրանուշ Հակոբյանին՝ Հայոց Ցեղասպանության թանգարան-ինստիտուտի տնօրեն Հայկ Դեմոյանը, իր պաշտոնին հրաժեշտ կտա նաև Բնապահպանության նախարար Արամ Հարությունյանը:
«ՊԵԿ-ը կբաժանվի. Հարկային տեսչությունը կմիանա Ֆինանսների նախարարությանը, իսկ Մաքսային ծառայությունը կղեկավարի ԴԱՀԿ ծառայության ղեկավար Միհրան Պողոսյանը: Փոխվարչապետի պաշտոնը Տարածքային ղեկավարման նախարար Արմեն Գևորգյանից կփոխանցվի Ֆինանսների նորանշանակ նախարար Գագիկ Խաչատրյանին, իսկ Գևորգյանը կշարունակի պաշտոնավարել որպես ուղղակի Տարածքային կառավարման նախարար», – գրում է թերթը: