Դանակահարություն Երևանում․ Վալերի Օսիպյանը պնդում է՝ դանակահարողն իր ազգականը չէ

Անցյալ գիշեր Նուբարաշենում դանակահարված Վանուշ Ալեքսանյանը վիրահատվել է․ նրա վիճակը կայուն ծանր է, հայտնել են «Էրեբունի» բժշկական կենտրոնից։

Ինչպես ավելի վաղ հայտնել էր shamshyan.com-ը, 22-ամյա Աելքսանյանին հիվանդանոց էին տեղափոխել Նուբարաշեն 11 փողոցի 11 շենքի բակից։ Նրան դանակահարել է Նուբարաշենի բնակիչ 22-ամյա Սեդրակ Օսիպյանը, ով, ըստ կայքի, Երևանի փոխոստիկանապետ Վալերի Օսիպյանի եղբոր որդին է: 

Օսիպյանը, սակայն, News.am-ի հետ զրույցում հերքել է այդ տեղեկությունը՝ պնդելով, թե դանակահարողն իր ազգականը չէ: