Epress.am Լուրեր Հայաստանից
Ադրբեջանն ու ՆԱՏՕ-ն չեն կարողանում ընդհանուր կարծիք ձևավորել Անհատական գործընկերության ծրագրի տեքստի շուրջ (IPAP): Նշենք, որ կողմերը պետք է պայմանավորվածության հասնեն այդ հարցում մինչև հոկտեմբեր: Այս մասին հայտնում է «Միլազ» գործակալությունը` հղում կատարելով ՆԱՏՕ-ի աղբյուրներին:
Ադրբեջանական կողմը տեքստում մի շարք փոփոխություններ է կատարել, որոնք անընդունելի են ՆԱՏՕ-ի համար, ինչն էլ կարող է հետաձգել համաձայնության կնքումը:
Ադրբեջանը նշում է, որ հունիսին ընդունված Ռազմական հայեցակարգի համաձայն, ադրբեջանական բանակաշինության ընթացքում պետք է կիրառվի համաշխարհային փորձը և հաշվի առնվեն պատմական ավանդույթները: Շատ դեպքերում դա չի համապատասպանում IPAP-ի սկզբնական երկու փուլերի հիմնադրույթներին:
Եթե դեռ երկու տարի առաջ բանակաշինության բնագավառում Բաքուն հայտարարում էր ՆԱՏՕ-ի չափանիշներին համապատասխանելու պատրաստակամության մասին, ապա այժմ իրավիճակը փոխվել է.
«Պաշտոնյաների մոտեցումը հետևյալն է. ՆԱՏՕ-ի չափանիշների կիրառումը օգտակար է, սակայն լիակատար անցումը տվյալ չափանիշներին նրանք անարդյունավետ են համարում», – ասել է գործակալության անանուն աղբյուրը:
Հունվար | 31 | 9:50