Epress.am Լուրեր Հայաստանից
Ամերիկյան Միսուրի նահանգի Ջոփլին քաղաքում մայիսի 22-ին մոլեգնած տոռնադոյի հետևանքով նվազագույնը 30 մարդ է զոհվել, հաղորդել է Reuters գործակալությունը: Այս թիվը հաստատել են արտակարգ իրավիճակների շրջանային վարչության ներկայացուցիչները:
Վիրավորների թվի մասին ոչինչ չի հաղորդվում:
Ստացված տվյալների համաձայն, տարերքի պատճառով առավել տուժել է Ջոփլինի հարավային հատվածը: Քաղաքը մասնակիորեն զրկվել է հեռախոսակապից:
Associated Press-ի փոխանցմամբ` տորնադոն ավերել է Ջոփլինի հիվանդանոցը:
Գործակալությունը նշում է, որ ևս մեկ զոհ է եղել նաև Մինեապոլիս քաղաքում: Միևնույն քաղաքում վնասվածք է ստացել 29 մարդ, որոնց երկուսի վիճակը ծանր է գնահատվում:
Նշենք, որ 2011 թվականի ընթացքում տոռնադոյի հետևանքով զոհված ամերիկացիների թիվը գերազանցում է 350-ը: