Epress.am Լուրեր Հայաստանից
Թուրքական հայտնի ազգային պարը` կոլբաստին, որը
թարգմանաբար նշանակում է «հանցանքի վայրում բռնված», Նոր Զելանդիայում դատական
գործի պատճառ
է
դարձել, հաղորդում է բրիտանական The Times-ը: Թուրքիայից ներգաղթած տղամարդը պնդում է, որ
ակտիվ պարում էր կնոջ և երեխաների հետ,
երբ նրան ձերբակալեցին կնոջ վրա հարձակում
գործելու մեղադրանքով, մանրամասնում է լրագրող Սոֆի Թեդմենսոնը:
Ձերբակալված Ալաեթին
Քանն ասում է, որ փողոցում կոլբաստի էր
պարում` իր առևտրից մեծ շահույթ ունենալու առիթով: Կոլբաստի պարել նշանակում է
ոտքով և ձեռքերով հուժկու շարժումներ անել, այնինչ անցորդներին թվացել
է, որ Քանը ծեծում է և փորձում է խեղդել
կնոջը:
Քանն իրեն մեղավոր չի ճանաչում, իսկ դատարանում կինը նրա օգտին է վկայություն տվել:
«Այս թյուրիմացությունը մշակույթների
անհամատեղելիության հետևանք է: Այստեղ մարդիկ պարից ոչինչ չեն հասկանում: Միայն
ծեծկռտուքից են լավ գլուխ հանում»,- հայտարարել է մեղադրյալը:
Ըստ լեգենդի`կոլբաստի սկսել են պարել Տրաբզոնում, իսկ անունը կապում են հարբեցողների երգերի հետ, որոնց գիշերները ձերբակալում էին ոստիկանները: