Սարկոզին խանդի տեսարան է սարքել

Մամուլում հայտնվել են խանդից կատաղած Նիլոլա
Սարկոզիի նկարները, ում փորձում է հանգստացնել նրա կինը` Կարլա Բրունին:

Barcroft
Media-ի պապարացիները նկարահանել են զույգին Բրունիի
նոր ֆիլմի նկարահանումներից հետո: Ֆրանսիայի նախագահի կինն այժմ նկարահանվում է
Վուդի Ալենի նոր ֆիլմում:

Ֆրանսիական և իտալական ԶԼՄ-ը ենթադրում են, որ
նախագահի խանդի պատճառ են դարձել Բրունիի և նրա խաղընկերոջ` Օուն Ուիլսոնի
չափազանց ջերմ հարաբերությունները: Նրանց հարաբերությունների մասին ասեկոսեներն
արդեն իսկ դուրս են նկարահանման հրապարակից:

Առաջարկվում են նաև այլ տարբերակներ: Հնարավոր է,
որ Սարկոզիին նյարդայնացրել է բազմաթիվ նկարիչների ներկայությունը նկարահանման
հրապարակում, այն ժամանակ, երբ նա պատրաստ չէր նկարվելուն: Սարկոզիի տրամադրության
վրա կարող էր ազդել նաև նախագահի իր ոչ այնքան հաջող գործունեությունը: Վերջին
շրջանում հասարակական հարցումները վկայում են նրա վարկանիշի անկման մասին, իսկ
բազմաթիվ սկանդալները միայն նպաստում են դրան: