Ազատության հուշարձանը կփակվի մեկ տարով

Նյու
Յորքի Ազատության հուշարձանը ժամանակավորապես փակվելու
է այցելությունների համար`
անվտանգության համակարգի բարելավման ուղղությամբ տարվող աշխատանքների նպատակով, հաղորդում է Reuters-ը:

Աշխատանքները,
որոնց իրականացման համար 26 միլիոն դոլար է ամհրաժեշտ, սկսվելու են 2011
թվականի հոկտեմբերի 12-ից: Այս օրը հուշարձանի 125-րդ տարեդարձն է: Հուշարձանը նոր
մուտք, վերելակներ ու աստիճաններ է ունենալու:  

Ազատության
հուշարձանը Նյու Յորքի գլխավոր տեսարժան վայրերից 
է: Ամեն տարի  մոտ 5 միլիոն
մարդ  է գալիս Նյու Յորք` հուշարձան այցելելու նպատակով:
Զբոսաշրջիների թիվը հատկապես ավելանում է ամռանը,
երբ այն ունենում է մոտ 20 հազար այցելու:

Հուշարձանը
փակվել էր նաև  2001 թվականի սեպտեմբերի
11-ի ահաբեկչական գործողություններից հետո, և վերաբացվել էր 2004 թվականին: