Ադրբեջանը Ռուսաստանի կարևոր ռազմավարական դաշնակիցն է. Լավրով

Ռուսաստանն Ադրբեջանին կարևոր ռազմավարական դաշնակից է համարում Հարավային Կովկասի տարածաշրջանում: Ռուս-ադրբեջանական հարաբերությունները վերելք են ապրում, իսկ երկու երկրների առաջնորդների հանդիպումների ժամանակ քննարկվում են այս հարաբերությունների բոլոր կողմերը, ադրբեջանական ԶԼՄ-ին տված հարցազրույցում հայտարարել է Ռուսաստանի արտգործնախարար Սերգեյ Լավրովը` մեկնաբանելով նախագահ Դմիտրի Մեդվեդևի սպասվող այցը Բաքու:

«Ռուսաստանի և Ադրբեջանի նախագահների միջև բարյացակամ հարաբերությունները երկու երկրների գործընկերության զարգացման կարևոր գործոն են»,- ասել է Լավրովը: