Home / Հայաստան / Թուրքիայի քրդերը Կատալոնիայի օրինակով ինքնավարություն են ցանկանում

Թուրքիայի քրդերը Կատալոնիայի օրինակով ինքնավարություն են ցանկանում

Քրդական բանվորական կուսակցության առաջնորդ Մուրաթ Քարայիլանը կիրակի իսպանական El Mundo թերթին տված հարցազրույցի ընթացքում հայտարարել է, որ «իսպանական տարբերակը հենց այն է, ինչ մենք ցանկանում ենք», հաղորդում է AFP գործակալությունը:

«Եթե մենք Կատալոնիայի նման ինքնավարություն ձեռք բերենք, ապա մենք մեր զենքերը կհանձնենք Միացյալ Ազգերի կազմակերպությանը»,- նշել է Քարայիլանը:

Կուսակցության առաջնորդը ցանկություն է հայտնել Կատալոնիայի օրինակով  ինքնավարության շրջանակներում անկախ ոստիկանություն և խորհրդարան ունենալ:

Հիշեցնենք, որ Քրդական բանվորական կուսակցությունը օգոստոսի կեսին հրադադարի պայմանագիր էր կնքել թուրքական կողմի հետ, որի ժամկետը լրանում է սեպտեմբերի 20-ին:

Վերջին տարիներին ընթացքում Թուրքիայի կառավարական զորքերի և քրդականզինյալների միջև զինված բախումների հետևանքով 45 հազար մարդ է զոհվել: