Հարի Փոթերը հոգեբանի կարիք ունի

Դերասան Դենիել Ռեդքլիֆը, ով հայտնի է «Հարի Փոթեր» ֆիլմից, սկսել է հաճախակի այցելել հոգեբանի: Դերասանին հոգեբանի օգնությունն անհրաժեշտ է նոր դերի համար:

Ռեդքլիֆը մարմնավորելու է գլխավոր հերոսին «Սևազգեստ կինը» ֆիլմում: Ֆիլմը հիմնված է անգլիացի գրող Սյուզան Հիլլի համանուն վեպի վրա: Ըստ սցենարի` իրավաբան Արթուր Քիփը ժամանում է ճահիճներով շրջապատված մի կալվածք և պարզում է, որ այնտեղ բնակվում է մի վրիժառու կնոջ ոգի, որը մի քանի տարի առաջ է մահացել: Վեպի վերջում ուրվականի պատճառով հերոսը կորցնում է իր կնոջը և երեխային: