Home / Հայաստան / Պատմաբանը գիտի ինչ անել, որ «թուրքերը խառնվեն իրար»

Պատմաբանը գիտի ինչ անել, որ «թուրքերը խառնվեն իրար»

«Այն լեզուն, այն կատեգորիալ ապարատը, որով մենք ներկայանում ենք արտաքին աշխարհին, խնդրի բուն իմաստից հեռու է: Բայց մյուս կողմից էլ` արդեն 10 տարի է` ընդդիմադիրներն ասում են` Ղարաբաղը ծախեցին, սակայն դեռևս Ղարաբաղը ծախող չկա: Հակառակը` Ղարաբաղը կա, այն ծաղկում է, մեր գծած սահմանով պահում ենք Արցախը», – այսօր լրագրողների հետ հանդիպմանն ասել է քաղաքագետ Ալեքսանդր Մանասյանը` անդրադառնալով Հայաստանի արտաքին քաղաքականությանը:

Ինչ վերաբերում է հայ-թուրքական հարաբերություններին, ապա, նրա խոսքով, «մեր խաղը շահեկան դուրս եկավ»:

«Ֆուտբոլային դիվանագիտության սկսվելուց հետո ես ասել եմ, որ մենք արել ենք ձիու քայլ, որը կարող ենք հետ վերցնել, և արդեն վերցրել ենք, իսկ Թուրքիան այդ արձանագրություններով պատռեց իր դիմակը»,- ասել է Մանասյանը:

Ասուլիսի մեկ այլ մասնակից Ռաֆիկ Թադևոսյանը, իր հերթին, նշել է, որ հայ-թուրքական հարաբերություններն առաջին հայացքից բացասական են. կան կետեր, որոնք մեզ ծանր իրավիճակի մեջ են դնում:

«Մյուս կողմից` քաղաքականությունը, դիվանագիտությունը խաղեր են: Եթե լավ խաղացող ես, կարող ես վատ խաղաքարտերով հաղթել: Մենք կարող ենք այնպես վարվել այդ պրոտոկոլների հետ, որ թուրքերը խառնվեն իրար»,- նշել է Թադևոսյանը: