Epress.am Լուրեր Հայաստանից
Յուրի Լուժկովը դեռ նոր է ազատվել իր պաշտոնից, իսկ փորձագետներն արդեն սկսել են խոսել Սանկտ-Պետերբուրգի քաղաքապետ Վալենտինա Մատվիենկոյի հնարավոր հեռացման մասին:
«Յաբլոկո» կուսակցության անդամ Բորիս Վիշնեվսկու խոսքերով` Ռուսաստանի Հյուսիսային մայրաքաղաքում ձևավորված իրավիճակը ոչնչով չի տարբերվում Մոսկվայի իրավիճակից` նույն ընտանեկան բիզնեսները, նույն կառուցապատումները, անտառահատումներ և այլն:
Ընդ որում` ըստ փորձագետների` Մատվիենկոյի «հեռացումն» ընթանալու է նույն սցենարով: Ինչպես և Լուժկովի դեպքում, կենտրոնական ալիքները իշխանությունների հրամանով կսկսեն եթեր հեռարձակել Մատվիենկոյին վարկաբեկող հաղորդումներ և վավերագրական ֆիլմեր:
Սակայն Մատվիենկոն Լուժկովը չէ, նրա հետ տուն-տունիկ չեն խաղալու, կարծում է Վիշնեվսկին:
Ամեն դեպքում, չնայած պաշտոնից հեռացմանը, Լուժկովին և նրա ընտանիքին քրեական հետապնդում չի սպառնում, քանի որ նա «չափազանց շատ բան գիտի», հայտնում է Eurosmi կայքը: