Ամերիկյան երգիչը մահացել է Ամստերդամի օդանավակայանում

Ամերիկյան հայտնի սոուլ-մեներգիչ և երգահան Սոլոմոն Բյորքը մահացել է Հոլանդիայում, հայտնում է Sky News-ը:

Everybody Needs Somebody to Love հանրահայտ երգի հեղինակը 70 տարեկան էր:

Բերքը մահացել է Ամստերդամի օդանավակայանում: Նա այստեղ էր ժամանել Լոս-Անջելեսից, որպեսզի երեքշաբթի մասնակցի Ամստերդամի ակումբներից մեկում կայանալիք համերգին:

Atlantic Records-ի հայտնի պրոդյուսեր Ջերի Վեքսլերը Բյորքին անվանել էր բոլոր ժամանակների լավագույն սոուլ ոճի կատարող: 2003թ. երգիչն արժանացել էր «Գրեմմի» մրցանակի: