«Առավոտ». Արցախը Րաֆֆի Հովհաննիսյանին չի խնդրել

«Մենք իրեն չենք խնդրել, չգիտեմ` ով է իրեն խնդրել, իրենից պետք է ճշտել, բայց իմ անձնական կարծիքն այն է, որ Արցախի հիմնախնդիրը ու ճանաչման հարցն այնքան կարևոր հարց է, որ չպետք է այդքան շահարկումների ենթարկել, տարին մի քանի անգամ ներկայացնել Ազգային Ժողով, հետո չանցնի: Սա հարցն ինչ-որ ձևով արժեզրկում է, և սա իմ անձնական կարծիքն է: Մենք, իհարկե, կողմ ենք, որ Արցախը ճանաչվի, բայց նախ պետք է մի ուրիշ պետություն ճանաչի, հետո` Հայաստանը»,- «Առավոտը» մեջբերում է ԼՂՀ նախագահի մամուլի խոսնակ Դավիթ Բաբայանի անձնական կարծիքը, որը հնչել է ի պատասխան հարցի` ճի՞շտ է, որ, ինչպես պնդում է Րաֆֆի Հովհաննիսյանը` Արցախն է խնդրել, որ Հայաստանը ճանաչի իր անկախությունը: