Epress.am Լուրեր Հայաստանից
Կենտրոնի ոստիկանության բաժնի պետի տեղակալ Պետրոսյանը «Թեղուտի պաշտպանության խումբ» քաղաքացիական նախաձեռնության անդամ Հրայր Սավզյանի հետ հեռախոսազրույցի ընթացքում ասել է, որ այսօր անցկացվելիք համերգ-հանրահավաքը` նվիրված Թեղուտի անտառների պաշտպանությանը, արգելված է:
Այս մասին Epress.am-ին հայտնեց ինքը` Հրայր Սավզյանը: Ակտիվիստը նշեց, որ նախաձեռնության Քաղաքապետարանին ուղղված նամակներում երկու վայր էր նշված` Կոնսերվատորիայի դիմաց գտնվող Կոմիտասի արձանի մոտ և Մաշտոց-Սարյան փողոցին հարող տարածքները:
«Քաղապետարանից պատասխան ստացանք, որ չեն առարկի, եթե ակցիան անցակցնենք Վարդան Մամիկոնյան մոտ, սակայն այստեղ վերակարգ ուղարկելու պայմանով», – տեղեկացրեց ակտիվիստը:
Սակայն, ըստ ընթացակարգի, եթե 72 ժամվա ընթացքում նախաձեռնության կողմից ներկայացրած վայրերի վերաբերյալ առարկություն չլինի, համերգ-հանրահավաքը` նվիրված Թեղուտի անտառների պաշտպանությանը, կարող է անցկացվել հենց իրենց նշված վայրերից մեկում, բացատրել է Սավզյանը:
«Ինչն էլ տեղի կունենա այսօր 17:00-ին Կոմիտասի արձանի մոտ», – նշեց ակտիվիստը: