Epress.am Լուրեր Հայաստանից
Ամբողջ աշխարհը հիմնված է էլեկտրոնային փոստի վրա, որտեղ ուզում են ինչ-որ խոսք ու զրույց գցել, փորձում են էլեկտրոնային փոստի միջոցով գցել:
Այսօր լրագրողների հետ հանդիպման ժամանակ, խոսելով վերջերս էլեկտրոնային տեղեկատվության ակտիվացման մասին, նման «բացահայտում» է արել ՀՀԿ-ական պատգամավոր Գալուստ Սահակյանը:
«Հարցն այն է, որ մենք պետք է կարողանանք իրականությունն ու ճշմարտությունը տարբերել զրպարտանքներից և տարբեր տիպի մոտեցումներից»,- ասել է բանախոսը:
Նա YouTube կայքում տեղադրված և աղմուկ բարձրացրած բանակի և դպրոցների տեսահոլովակները համարել է քարոզչական մեխանիզմներ, որոնք փորձում են թուլացնել Հայաստանը:
«Բայց չի ստացվելու», – պնդել է Գալուստ Սահակյանը:
Լրագրողի այն դիտարկմանը, թե ինչու են Ազգային Ժողովում փակել YouTube կայքը, պատգամավորն ասել է.
«Ես տեղյակ էլ չեմ` փակել են, թե չեն փակել, բայց Ազգային Ժողովն իր խնդիրներն ունի, Ազգային Ժողովի ղեկավարությանը հարցրեք»: