«Ո՞վ է ծեծել Կաշինին». ակցիա ի պաշտպանություն ծեծված լրագրողի

Այսօր Մոսկվայի պետական համալսարանի մի քանի ուսանողներ, որոնք «Այլ լրագրողական ֆակուլտետ» նախաձեռնության անդամ են, ֆակուլտետի պատուհաններից 6 մետր երկարությամբ պաստառ են կախել, որի վրա գրված էր «Ո՞վ է ծեծել Կաշինին», հաղորդում է gazeta.ru-ն: Նման կերպ ուսանողներն իրենց բողոքն են հայտնել լրագրող Կաշինին ծեծի ենթարկելու փաստի դեմ:

Պաստառն անմիջապես Կրեմլի մուտքի դիմացի հատվածում է:

Ակցիայի մասնակիցներին հաջողվել է փախչել մինչ ֆակուլտետի անվտանգության աշխատակիցների հայտնվելը: Պաստառը դեռ չեն հանել: