Ադրբեջանական նավթը կհոսի Ուկրաինա

Ուկրաինան և Ադրբեջանը մտադիր են երկու միջկառավարական համաձայնություն ստորագրել` նավթի և գազի մատակարարման հետագա համագործակցության վերաբերյալ: Այս մասին հայտարարել է Ադրբեջանի արդյունաբերության և էներգետիկայի նախարար Նաթիկ Ալիևը` Յալթայում տեղի ունեցող տնտեսական համաժողովի իր ելույթի ժամանակ, գրում է ուկրաինական Подробности պարբերականը:

Նախարարի խոսքով` վերջին 9 ամիսների ընթացքում Ադրբեջանն ուկրաինական շուկա 1 միլիոն տոննա նավթ և 160 հազար տոննա նավթամթերք է արտահանել: