Epress.am Լուրեր Հայաստանից
Դեկտեմբերի 17-ին, ժամը 14:00-ին Հայ Ազգային Կոնգրեսը միաժամանակ չորս բողոքի ցույց է կազմակերպելու Հայաստանի տարբեր քաղաքներում` Ապարանում, Մասիսում, Մարտունիում և Երևանում:
Քաղբանտարկյալների ազատ արձակման պահանջով անցկացվելիք ցույցերին կմասնակցեն և ելույթներ կունենան ՀԱԿ-ի անդամ կուսակցությունների, ՀԱԿ-ի Կենտրոնական գրասենյակի ներկայացուցիչները: Ելույթներում անդրադարձ կլինի նաև Հայաստանում սոցիալ-տնտեսական իրավիճակին, կոռուպցիային, դատաիրավական ոլորտում ստեղծված ծանր դրությանը, հայտնում են Հայ ազգային կոնգրեսից: