«Հրապարակ». Վարչապետի եղբայրը Հայաստան վիբրատորնե՞ր է ուղարկել

Որպես կանոն, դիվանագիտական փոստով ուղարկվող բեռները որևէ երկրում չեն ստուգվում: Եթե սահմանի վրա նման բեռը ստուգվում է, դա համարվում է հասցեատեր պետության նկատմամբ վիրավորական քայլ, ուստի դրանք անարգել անցնում են, գրում է օրաթերթը:

Մեր տեղեկություններով, սրանից օգտվում են մեր որոշ դեսպաններ և դիվանագիտական փոստով ուղարկում են ինչ ասես: Օրինակ, վերջերս Չինաստանում Հայաստանի դեսպանը (Արմեն Սարգսյան) դիվանագիտական փոստով Հայաստան է ուղարկել վիբրատորների մի ամբողջ խմբաքանակ: Արտաքին գործերի նախարարությունում փաթեթը բացելով` ապշել են, բայց քանի որ Չինաստանում մեր դեսպանը ՀՀ վարչապետի եղբայրն է, աղմուկ չեն արել: ԱԳՆ-ից, բնականաբար, հերքեցին նման փաստը: