Epress.am Լուրեր Հայաստանից
Ռուսաստանի հատուկ ծառայությունները բացահայտել են «Դոմոդեդովոյում» տեղի ունեցած ահաբեկչության ենթադրյալ կազմակերպիչներին: Այս մասին այսօր ՌԴ նապագահ Դմիտրի Մեդվեդևին է հաղորդել Դաշնային հետախուզական բյուրոյի տնօրեն Ալեքսանդր Բորտնիկովը: Նրա խոսքով` ահաբեկչի անձը հաստատվել է, ինչպես նաև ձերբակալվել են մարդիկ, ովքեր կօգնեն գտնել ահաբեկչությանը մասնակցություն ունեցած անձանց:
Միևնույն ժամանակ, Մեդվեդևը հատուկ ընդգծել է, որ անընդունելի է համարում բոլոր հայտարարություններն այն մասին, թե ահաբեկչությունը բացահայտված է, քանի դեռ հետաքննությունը չի ավարտվել: Այսպիսով, նա ակնարկել է նաև ՌԴ վարչապետ Վլադիմիր Պուտինին, ով նախօրեին հանդես էր եկել նման հայտարարություններով:
«Պետք է աշխատել, այլ ոչ թե փի-արով զբաղվել», – հանդիպման ժամանակ ասել է Մեդվեդևը: