Epress.am Լուրեր Հայաստանից
Լեոնարդո դա Վինչիի արվեստի գլուխգործոց համարվող «Մոնա Լիզա» կտավի գաղտնիքը բացահայտելու համար գիտնականներն աշխատում են արդեն տասնամյակներ շարունակ: Չնայած բազմաթիվ մասնագետների կարծիքով` նկարում պատկերված է Լիզա Ջերադինին՝ առևտրականի կինը, հայտնաբերվել է մի աղբյուր, որը հակասում է մեծամասնության կարծիքին:
Իտալիայի մշակույթի ազգային խորհրդի նախագահ Սիլվիո Վինչենտին հայտարարել է, որ Լեոնարդո դա Վինչիին «Ջոկոնդայի» համար ոգեշնչել է իր ընկերը, դաշնակիցը, հնարավոր է նաև սիրեցյալը՝ Ջան Ջակոմո Կապրոտին, ով հայտնի է նաև որպես Սալայ՝ փոքրիկ սատանա մականվամբ: Զույգի հարաբերությունները պատմաբանների կողմից միանշանակ չեն գնահատվում:
Հարկ է նշել, որ սա առաջին դեպքը չէ, երբ Վինչենտին նման սենսացիոն հայտարարությամբ է հանդես գալիս Ջոկոնդայի վերաբերյալ: Անցյալ տարվա վերջին նա հայտարարել էր, որ դիմանկարում առկա է դա Վինչիի ծածկագիրը՝ փոքր տառերի և թվերի տեսքով: