Epress.am Լուրեր Հայաստանից
«Չորրորդ ինքնիշխանություն» օրաթերթը տեղեկացնում է «Օրինաց երկիր» կուսակցության շարքերի համալրման մասին:
Իրազեկ աղբյուրների փոխանցմամբ` շատ անկախ պատգամավոր և իրեն Հայաստանի բացառիկ և անփոխարինելի քաղաքական գործիչ համարող Վիկտոր Դալլաքյանի եղբայրը` Սամվել Դալլաքյանը, վերջերս մտել է «Օրինաց Երկիր» կուսակցություն: Երևի Վիկտոր Դալլաքյանն ամաչել է անձամբ ՕԵԿ-անալ և Սամվելին համոզել է, որ ՕԵԿ-ն էնքան լավ կուսակցություն է, որ «ախպերը ախպորը չի տա»: Ենթադրվում է, որ Սերժ Սարգսյանը շարունակում է ՕԵԿ-ի թվաքանակը մեծացնելու հրահանգներ իջեցնել: Հնարավոր է` շուտով բանը հասնի այնտեղ, որ իր բոլոր «հաճախորդներին» պատվիրի մտնել ՕԵԿ, իհարկե` ընտանյոք հանդերձ: Իսկ ինչու ոչ` ինչ պակաս ՕԵԿ թեկնածու են Գեղամյան Արտաշեսը, Հարությունյան Խոսրովը, Մանուկյան Վազգենը և մնացած բոլոր-բոլորը: Վերջիվերջո, նրանց կուսակցությունների անունը կա, ամանումը` ոչ, կհավաքվեն հաճախորդներից այսօր ամենամերձավորի շուրջ, գոնե կարգին թիվ կունենան: Ասում են` Վիկտոր Դալլաքյանն անգամ բարեխոսել է ԱԽՔ-ի մոտ, որ Սամվելի վրա հույս դնեն, իսկ ինքը կողքից կաջակցի ՕԵԿ-ի գործերին: