Աշխարհահռչակ ակորդեոնահար Մարիո Ստեֆանո Պիետրոդարկին հանդես կգա Երևանում

Մարտի 10-ին, ժամը 19:00-ին Արամ Խաչատրյան մեծ համերգասրահում կկայանա համերգ` նվիրված  Աստոր Պիացոլայի 90-ամյակին, որին հանդես կգա հանրահայտ  իտալացի ակորդեոնահար և բանդոնեոնահար  Մարիո Ստեֆանո Պիետրոդարկին:

Նրա հետ ելույթ կունենա Հայաստանի պետական երիտասարդական սիմֆոնիկ նվագախումբը՝ գեղարվեստական ղեկավար և դիրիժոր Սերգեյ Սմբատյանի գլխավորությամբ։

Դիրիժորը իտալացի Ռոբերտո Մոլինելլին է։

Մարիո Ստեֆանո Պիետրոդարկին ծնվել է 1980թ. դեկտեմբերի 26-ին Աթեսսա քաղաքում: Նա սկսել է ակորդեոն նվագել 9 տարեկանում` հետագայում մասնագիտանալով բանդոնեոնի վրա: 1993-2001թթ. նա ուսանել է Ֆ.Ֆենարոլիի անվան քաղաքացիական երաժշտական դպրոցում (Լանչիանո, Իտալիա)` Ս.Կալիստայի և Ց.Չակչարետտայի ղեկավարությամբ:

2007թ. նա ավարտել է first-class degree Ս.Սեսիլիայի երաժշտական ակադեմիայում (Հռոմ, Իտալիա):

Նա վարպետության դասեր է վերցրել Իտալիայում և արտերկրում: