Հայաստանի ֆուտբոլի առաջնությունում փոխվեց առաջատարը

Հայաստանի ֆուտբոլի առաջնության 10-րդ տուրից հետո մրցաշարային աղյուսակը նոր առաջատար ունեցավ: Հայաստանի վերջին 10 տարիների անփոփոխ չեմպիոնը` «Փյունիկը», հանդիպեց առաջատարին` «Ուլիսին», և 3:1 հաշվով հաղթանակ տարավ մրցակցի նկատմամբ: Առաջին խաղակեսում «Փյունիկը» մեծ առավելությունը նյութականացվեց 2 անգամ, իսկ երկրորդ կեսի մեկնարկում չեմպիոնը ևս մեկ գնդակ խփեց` 3:0: «Ուլիսը» փոխարինման ելած Դավիթ Գրիգորյանի ջանքերով կրճատեց հաշվի տարբերությունը, որից անմիջապես հետո ևս մեկ հիանալի պահ կորցրեց. Նորայր Սահակյանի հարվածից հետո գնդակը դատարակ դարպասից դուրս բերեց «Փյունիկի» պաշտպան Վարազդատ Հարոյանը:

Մինչև հանդիպման ավարտը հաշիվը չփոխվեց` 3:1: Հաղթանակը հնարավորություն տվեց «փյունիկցիներին» միավորներով հավասարվել «Ուլիսին», և լրացուցիչ ցուցանիշներով մրցաշարային աղյուսակում զբաղեցնել առաջին տեղ:

Երրորդ տեղում է Կապանի «Գանձասարը», որը 2:0 հաշվով պարտության մատնեց «Շիրակին»: «Միկան» և «Իմպուլսը» մի փոքր հետ են մնացել առաջատար եռյակից:

Նշենք նաև, որ այս տուրում առաջնությունումիր առաջին հաղթանակը տարավ Երևանի «Արարատը»`պարտության մատնելով «Իմպուլսին»:

Հայաստանի առաջնություն, 10-րդ տուր.

Մայիսի 22

«Շիրակ»-«Գանձասար» 0:2 (0:2)
Իջևան, «Արնար» մարզադաշտ
Մրցավար` Մանուկ Ֆահրադյան
Գոլերը` Վլադիմիր Մատիչ, 15, Արթուր Քոչարյան, 37

«Փյունիկ»-«Ուլիս» 3:1 (2:0)
Երևան, «Հանրապետական» մարզադաշտ
Մրցավար` Անդրանիկ Արսենյան
Գոլերը` Մարկոս Պիզելի, 17, Հովհաննես Հովհաննիսյան, 35, 50 («Փյունիկ»), Դավիթ Գրիգորյան, 62 («Ուլիս»)

Մայիսի 21

«Արարատ»-«Իմպուլս» 2:1 (2:0)
Երևան, «Հրազդան» մարզադաշտ
Մրցավար` Գևորգ Եղոյան
Գոլերը` Արա Հակոբյան, 14, Ռաֆայել Սաֆարյան, 18 («Արարատ»), Արտակ Հովհաննիսյան, 75 («Իմպուլս»)

«Բանանց»-«Միկա» 2:2 (1:1)
Երևան, «Բանանց» մարզադաշտ
Մրցավար` Սուրեն Բալիյան
Գոլերը` Բրունո Կորեա, 19, Արտակ Դաշյան, 50 («Բանանց»), Ալեքս Էնրիկե դա Սիլվա, 45+1, Դոնգ Ֆանգժու, 55 («Միկա»)

Մրցաշարային աղյուսակ.

Փյունիկ 10, 20 միավոր

Ուլիս 10 խաղ, 20

Գանձասար 10, 19

Միկա 10, 15

Իմպուլս 10, 14

Շիրակ 10, 9

Բանանց 10, 7

Արարատ 10, 5

Լուսանկրաը Մարինե Մկրտչյանի, Armfootball.com