Epress.am Լուրեր Հայաստանից
Հայաստանի Հանրապետության արդարադատության նախարարության քրեակատարողական ծառայությունում երեկ մեկնարկել է Հայաստանի Հանրապետության անկախության հռչակման 20-րդ տարեդարձի կապակցությամբ հայտարարված համաներմամբ դատապարտյալներին ազատ արձակելու գործընթացը:
Ինչպես ասված է Քրեակատարողական վարչության հասարակայնության հետ կապերի բաժանմունքի հաղորդագրության մեջ, մայիսի 28-ին, ժամը 00:30-ի դրությամբ, ՀՀ ԱՆ քրեակատարողական հիմնարկներից արդեն ազատ են արձակվել թվով 267 դատապարտյալ:
Ազատ արձակված մարդկանց քանակը՝ ըստ քրեակատարողական հիմնարկների.
«Նուբարաշեն» – 27
«Էրեբունի» – 70
«Վարդաշեն» – 25
«Դատապարտյալների հիվանդանոց» – 14
«Երևան Կենտրոն» – 0 (ազատ արձակման ենթակա դատապարտյալներ չկան)
«Արթիկ» – 33
«Վանաձոր» – 8
«Սևան» – 21
«Հրազդան» – 16
«Աբովյան» – 1
«Գորիս» -11
«Կոշ» – 41