Հայաստանում ցանկանում են տեսնել «Հարյուր տարվա մենություն» վեպի հեղինակին

Հայաստանցիները Facebook սոցիալական ցանցի միջոցով ցանկանում են 2000 օգտատերի համաձայնություն ստանալ, որպեսզի դիմեն ՀՀ Մշակույթի նախարարությանը` կոլոմբիացի վիպասան, Նոբելյան մրցանակակիր, հայտնի «Հարյուր տարվա մենություն» վեպի հեղինակ Գաբրիել Գարսիա Մարկեսին Հայաստան հրավիրելու առաջարկով:

Facebook սոցիալական ցանցում այդ խմբի ստեղծողները հայտարարել են.

«Հարգելի հյուրեր, Ձեր մասնակցությամբ կփաստեք, որ շատ եք ուզում Գաբրիել Գարսիա Մարկեսին տեսնել Հայաստանում: Եթե մասնակիցների թիվը երկու հազարն անցնի, մենք կդիմենք Մշակույթի նախարարությանը և այլ պատկան մարմիններին` Մարկեսին պաշտոնական հրավեր ուղարկելու համար»: