Հունիսի 12-ի դրությամբ համաներմամբ ազատ է արձակվել 434 դատապարտյալ

Մայիսի 27-ից սկսված ՀՀ անկախության հռչակման 20-րդ տարեդարձի կապակցությամբ հայտարարված համաներմամբ հունիսի 12-ի դրությամբ արդեն իսկ ազատ է արձակվել 434 դատապարտյալ:

Քրեակատարողական վարչության հանրային կապերի բաժինը նշում է, որ համաներման կիրառման ընթացքում կրճատվել է 38 դատապարտյալի պատժաչափը:

Ազատ արձակված և պատժաչափը կրճատված դատապարտյալների քանակը` ըստ քրեակատարողական հիմնարկների.

«Նուբարաշեն» – ազատ է արձակվել 50-ը, կրճատում 3,

«Էրեբունի» – ազատ է արձակվել 96-ը, կրճատում 7,

«Վարդաշեն» – ազատ է արձակվել 31-ը, կրճատում 1,

«Դատապարտյալների հիվանդանոց» – ազատ է արձակվել 26-ը, կրճատում 3,

«Երևան Կենտրոն» – 0 (ազատ արձակման ենթակա դատապարտյալներ չկան),

«Արթիկ» – ազատ է արձակվել 42-ը, կրճատում 3,

«Վանաձոր» – ազատ է արձակվել 17-ը,

«Սևան» – ազատ է արձակվել 49-ը,

«Հրազդան» – ազատ է արձակվել 22-ը,

«Աբովյան» – ազատ է արձակվել 2-ը, կրճատում 12,

«Գորիս» -ազատ է արձակվել 11-ը, կրճատում 9,

«Կոշ» – ազատ է արձակվել 86-ը: