Epress.am Լուրեր Հայաստանից
Հայ Ազգային Կոնգրեսի կառույցներում երկու օր է ակտիվ քննարկումներ են ընթանում` կապված Սերժ Սարգսյանի պատասխանի հետ:
Ինչպես հայտնի է դարձել Epress.am-ին, երեկ տեղի է ունեցել Կենտրոնական շտաբի արտահերթ նիստ, իսկ այսօր այդ հարցը քննարկվել է նաև Կոնգրեսի տարածքային կառույցների շտաբերի պետերի հավաքում:
Հավաքը տեղի է ունեցել հունիսի 30-ի հանրահավաքի կազմակերպման աշխատանքները համակարգելու նպատակով, սակայն հավաքի ընթացքում նաև քննարկվել է Կոնգրեսի հնարավոր արձագանքը Սերժ Սարգսյանի պատասխանին:
Քննարկումները դեռ շարունակվելու են, իսկ վաղն այդ հարցը կքննարկվի նաև քաղխորհրդի նիստում:
Հիշեցնենք, որ ավելի վաղ, անդրադառնալով Սերժ Սարգսյանի պատասխանին, ՀԱԿ-ի մամուլի ծառայությունը հետևյալ հայտարարությունն էր տարածել.
«Հայ Ազգային Կոնգրես – իշխանություն երկխոսության մասին Սերժ Սարգսյանի՝ հունիսի 17-ի հայտարարության առթիվ հայտնում ենք. նկատի ունենալով հայտարարությանպարունակած որոշակի անհստակությունները և առանձին ձևակերպումների բազմիմաստությունը, Կոնգրեսը նպատակահարմար է համարում դրա գնահատականըտալ՝ իր կառույցներում քննարկելուց հետո»: