ՀԱԿ-ի օգոստոսյան հանրահավաքը մեկ օր ուշ կանցկացվի

Ընդդիմադիր Հայ Ազգային Կոնգրեսի հանրահավաքը կկայանա ոչ թե օգոստոսի 1-ին, ինչպես ավելի վաղ հայտարարվել էր, այլ օգոստոսի 2-ին:

Այս մասին Epress.am-ի հետ զրույցում տեղեկացրել է ՀԱԿ ներկայացուցիչ, «Ժողովրդի իշխանություն» հասարակական-քաղաքական նախաձեռնության հիմնադիր անդամ Զոյա Թադևոսյանը:

Այս որոշումը կայացվել է ՀԱԿ-ի այսօրվա քաղխորհրդի նիստում: Որոշման համար պատճառ է հանդիսացել այն փաստը, որ օգոստոսի 1-ը մեռելոց օր է: