Epress.am Լուրեր Հայաստանից
Սկանդալային երգչուհի Էմի Ուայնահաուսի մահից հետո հարազատները որոշել են ազատվել այն բոլոր իրերից, որոնք հիշեցնում են Էմիի մասին:
Հյուսիսային Լոնդոնում գտնվող երգչուհու տան առջև գտնվող ցանկացած մարդ կարող էր ստանալ Էմիի անձնական իրերից որևիցե մեկը նրա հոր ձեռքերից:
«Եթե կար մեկը, որի հետ Էմին կցանկանար կիսվել իր ամենասիրելի և նվիրական իրերով, դա դուք եք` նրա արվեստի երկրպագուները»,- ասել է մահացած երգչուհու հայրը` Միտչը: Երկրպագուներին բաժանված իրերից էին երգչուհու հագուստը, համերգային զգեստները, ադամանդները և անձնական նամակները:
Էմիի ծնողները որպես հիշատակ իրենց մոտ են թողել միայն դստեր կիթառն ու նոութբուքը: Այս երկու իրերը, ըստ նրանց, էմին ամենաթանկն ու կարևորն էր համարում իր կյանքում:
Վերջին իրը երկրպագուներին հաձնելուց հետո Էմիի հայրը կրծքին է սեղմել աղջկա բալետի կոշիկներն ու լաց եղել:
Երգչուհու հարազատները ուղևորվել են սինագոգ, որպեսզի հարգեն մահացած Էմիի հիշատակը:
Հիշեցնենք, որ Էմի Ուայնհաուսը մահացել է անցած շաբաթ օրը` հուլիսի 23-ին: Որոշում է կայացվել այրել երգչուհու մարմինը: Մահվան իրական պատճառը դեռ պաշտոնապես չի հայտարարվել: