Ավստրալացուն տուգանել են սառնարանով երթևեկելու համար

23-ամյա ավստրալացի Քրիս Պետրին զրկվել է վարորդական իրավունքից այն բանից հետո, երբ ճանապարհատրանսպորտային ոստիկանության աշխատակիցները կանգնեցրել են նրան սառնարանի վրա երթևեկելու ընթացքում:

Newsru.com-ի փոխանցմամբ` տրանսպորտային միջոցը պատրաստվել է գարեջրի համար նախատեսված սառնարանից, 50 կուբոմետր ծավալով շարժիչից և ղեկից:

Բացի դա, օրինախախտ քաղաքացին ոչ սթափ վիճակում է եղել: Պետրիին 10 ամսով զրկել են վարորդական իրավունքից, և 500 դոլար տուգանքի ենթարկել: