Epress.am Լուրեր Հայաստանից
«Չորրորդ ինքնիշխանություն» օրաթերթի տեղեկություններով, Սերժ Սարգսյանը որոշում է կայացրել, որ ՀՀԿ նախընտրական շտաբի պետը լինելու է ԱԺ նախագահ Հովիկ Աբրահամյանը: Խոսակցություններն այն մասին, որ Հովիկ Աբրահամյանը ընկալվում է որպես Ռոբերտ Քոչարյանի թիմի մարդ, այնքալ էլ համոզիչ չեն թվացել Սերժ Սարգսյանին, և նրա ընտրությունը կանգնել է Հովիկ Աբրահամյանի վրա, գրում է թերթը:
Նշենք, որ «ՉԻ»-ն իր երեկվա համարում գրել էր, որ խորհրդարանական ընտրություններում ՀՀԿ նախընտրական ցուցակը գլխավորելու է Տիգրան Սարգսյանը: Թերթը նշել էր նաև, որ Սերժ Սարգսյանը այսպիսով առաջարկելու է Տիգրան Սարգսյանին զբաղվել ակտիվ քաղաքականությամբ` նրան հեռացնելով վարչապետի զբաղեցրած պաշտոնից: