Epress.am Լուրեր Հայաստանից
Հայ Ազգային Կոնգրեսի հաջորդ հանրահավաքը տեղի կունենա հաջորդ ուրբաթ` սեպտեմբերի 30-ին: Այս մասին այսօր տեղի ունեցած հանրահավաքից հետո հայտարարել է ՀՀ առաջին նախագահ, ընդդիմության առաջնորդ Լևոն Տեր-Պետրոսյանը:
«Ես Ձեզ միշտ եղբայրաբար եմ վերաբերել, և ձեզանից երբեք ոչինչ չեմ խնդրել: Սակայն այսօր ես Ձեզ հանձնարարություն եմ տալիս` հաջորդ հանրահավաքին ամեն մեկդ ձեզ հետ բերեք հինգական մարդ»,- այս մասին հայտարարել է առաջին նախագահը:
Նշենք, որ այսօր հանրահավաքից երթ տեղի չի ունեցել: Նիկոլ Փաշինյանը հայտարարել է, որ «ավելի լավ է` մարդիկ էներգիան պահեն հաջորդ հանրահավաքի համար»: