Խաչատուր Սուքիասյանը գերմանական ընկերության խոշոր բաժնետեր է դարձել

Այսօր inLOBBY գերմանական ընկերությունը համաշխարհային հանրության ուշադրությանն է ներկայացրել առցանց հյուրանոցային պատվերների ամրագրման գլոբալ համակարգ (http://www.inLOBBY.com), որը, նախագծի հեղինակների ներկայացմամբ, նոր խոսք է նմանատիպ  ծառայությունների ոլորտում:

Նախագծի հեղինակների նպատակն է դարձնել օնլայն հյուրանոցային պատվերների ամրագրումը նորարարական և ավելի հարմարավետ: inLOBBY-ին  հնարավորություն է տալիս  այցելուներին անմիջական կապ հաստատել հազարավոր  հյուրանոցների հետ էլեկտրոնային փոստի, օնլայն շփման, հեռախոսազանգի, նույնիսկ տեսազանգի միջոցով և ստանալ հետաքրքրող հարցերի սպառիչ պատասխաններ անմիջապես հյուրանոցի ներկայացուցչից:

Համակարգի հյուրանոցային բազան համալրված  է ավելի քան 120.000 հյուրանոցներով աշխարհի տարբեր երկրներից:

Իր հաղորդագրության մեջ inLOBBY ընկերությունը ընդգծել է, որ  համակարգի ստեղծման և կայացման գործում  կարևորագույն դեր է ունեցել ՀՀ ԱԺ նախկին պատգամավոր Խաչատուր Սուքիասյանը, ով «հանդիսանում է նախագծի գաղափարակիրն ու գիտական ղեկավարը, ինչպես նաև ընկերության խոշոր բաժնետերը»: