Վանաձոր-Բագրատաշեն ճանապարհին մեքենաները մնացել են սողանքի գոտում

M6 միջպետական մայրուղու 86-րդ կիլոմետրում Վանաձոր- Բագրատաշեն հատվածում՝ Այրում կայարանի մոտ (Լճկաձոր գյուղի հատվածում), տեղի է ունեցել սողանք, որի արդյունքում փակվել է երթևեկությունը: Այս մասին հաղորդում է ՀՀ կառավարության կայքը:

Նախնական տվյալներով սողանքի գոտում մնացել են ավտոմեքենաներ: Վարչապետի որոշմամբ ստեղծվել է օպերատիվ շտաբ: Համապատասխան ծառայություններն ուղղված են դեպքի վայր: Դեպքի հանգամանքները ճշտվում են: Կառավարության կայքի հաղորդմամբ, ձեռնարկվում են բոլոր միջոցները սողանքի գոտում հայտնված ավտոմեքենաների ուղևորներին օգնություն ցուցաբերելու նպատակով:
Համապատասխան ծառայությունները խնդրում են ձեռնպահ մնալ Վանաձոր- Բագրատաշեն ճանապարհով երթևեկելուց:

Գործում է շրջանցիկ ճանապարհ՝ Վանաձոր-Դիլիջան-Իջևան-Բագրատաշեն ուղղությամբ:

ԱԻՆ ճգնաժամային կառավարման կենտրոնում գործում է թեժ գիծ՝ 010-52-96-90, 010-36-02-97, 060 44 02 38 հեռախոսահամարներով: