Գողություն «Ռոբերտո» խանութից

Մոտ կես ժամ առաջ Երևանի Մաշտոց պողոտայի վրա գտնվող «Ռոբերտո» հագուստի և կոշիկի խանութ սրահից մոտ 50 տարեկան մի կին է բերման ենթարկվել, ով փորձել էր խանութից գողանալ կանացի վերնազգեստ:

Խանութից զանգահարել էին ոստիկանություն, ովքեր և ժամանեցին դեպքի վայր և կնոջը բերման ենթարկեցին: Կինը ցանկանում էր փախչել՝ բղավելով «հիմա ինչ ա լինելու իմ հետ, ես հիվանդ ամուսին ունեմ, եկեք ստեղ հարցերը լուծենք, թողեք գնամ»:

Սակայն ոստիկանները նրան բռնեցին և նստեցրեցին ոստիկանական մեքենան:

Խանութի մենեջերը ոստիկանի պահանջով պետք է գնա ոստիկանական բաժանմունք՝ ցուցմունք տալու: