Եղբայրները բազկաթոռ և բազմոց են գողացել

Հոկտեմբերի 5-ին, ժամը 15.00-ին, ոստիկանության Վանաձորի բաժնի  ծառայողները,  գողություն կատարելու կասկածանքով, բերման են ենթարկել 21-ամյա երկու եղբայրների:

Պարզվել է, որ նրանք սեպտեմբերին, մուտքի դուռը բացելու միջոցով, Գրիգոր Լուսավորչի փողոցի մի տնակից գողացել են բազմոց, 2 բազկաթոռ և սառնարանի շարժիչ:

Ոստիկանության մամուլի ծառայության փոխանցմամբ` նշանակվել է դատաապրանքագիտական փորձաքննություն: