Աբովյանի ծննդատան մոտ դիակ են հայտնաբերել. կասկածվողը ձերբակալվել է

Հոկտեմբերի 5-ին, ժամը 13.20-ին  Աբովյան քաղաքի ծննդատան ցանկապատի մոտ տղամարդու դիակ էր հայտնաբերվել` ծնկների, գոտկատեղի և գլխի մասերում վնասվածքների հետքերով:

Ոստիկանության օպերատիվ խումբը պարզել է, որ տղամարդը Աբովյանի բնակիչ, 56-ամյա Սամվել Հարությունյանն է:

Հաջորդ օրը` հոկտեմբերի 6-ին, ոստիկանության ծառայողները Մասիս-Այնթապ ճանապարհի խաչմերուկից, սպանությունը կատարելու կասկածանքով, բերման են ենթարկել 49-ամյա Երեմ Մ.-ին, ում ձերբակալել են:

Փաստի առթիվ ՀՀ քրեական օրենսգրքի 104 հոդվածի (սպանություն) 1-ին մասի հատկանիշներով  հարուցված քրեական գործի նախաքննությունը շարունակվում է: