Հայաստանի առաջնության ավարտը. «Փյունիկը» նահանջեց, Կապանը երրորդն է

Այսօր կայացան Հայաստանի ֆուտբոլի առաջնության վերջին տուրի հանդիպումները, որոնց ընթացքում վճռվեցին արծաթե և բրոնզե մեդալներ նվաճած թիմերը:

Ուշադրության կենտրոնում էին Գանձասար-Բանանց և Միկա-Փյունիկ հանդիպումները: Այս զույգերի բոլոր թիմերը հավակնում էին մեդալների, սակայն «Միկային» և «Բանանցին» հաղթանակ էր հարկավոր, մինչդեռ «Փյունիկին» ու «Գանձասարին» մեդալներ և եվրագավաթներում տեղ զբաղեցնելու համար բավարար էր  նաև ոչ-ոքի արդյունքը:

Վերջիններս կարողացան լուծել իրենց առջև դրված խնդիրը` հանդիպումներն ավարտելով 0:0 հաշվով:

Երկու թիմերն էլ վաստակեցին 46-ական միավոր, իսկ լրացուցիչ ցուցանիշներով երկրորդ տեղը բաժին հասավ «Փյունիկին»:

«Գանձասարն» իր պատմության մեջ երկրորդ անգամ վաստակեց բրոնզե մեդալները և եվրագավաթի ուղեգիր: Սա մեծ առաջընթաց էր կապանցիների համար, որոնք նախորդ մրցաշրջանում 6-րդ տեղն էին զբաղեցրել: Հիշեցնենք, որ չեմպիոնի կոչումը մրցաշրջանի ավարտից երկու տուր առաջ վաստակել էր «Ուլիսը»` դառնալով 21-րդ դարի Հայաստանի երկրորդ չեմպիոնը: Մինչ այդ 10 տարիների ընթացքում չեմպիոնի կոչումը նվաճել էր «Փյունիկը»:

28-րդ տուրի արդյունքները.

«Արարատ»-«Շիրակ» 1:3 (0:1)
Երևան, «Հրազդան» մարզադաշտ
Մրցավար` Մանուկ Ֆահրադյան
Գոլերը` Գևորգ Կարապետյան, 83 («Արարատ»), Անդրանիկ Բարիկյան, 13, 11մ, 50, 88 («Շիրակ»)

«Բանանց»-«Գանձասար» 0:0
Երևան, «Բանանց» մարզադաշտ
Մրցավար` Անդրանիկ Արսենյան

«Իմպուլս»-«Ուլիս» 1:1 (0:1)
Աբովյան, «Քաղաքային» մարզադաշտ
Մրցավար` Գևորգ Եղոյան
Գոլերը` Վահագն Այվազյան, 73 («Իմպուլս»), Ֆաբրիս Զոկու, 9 («Ուլիս»)

«Միկա»-«Փյունիկ» 0:0
Երևան, «Միկա» մարզադաշտ
Մրցավար` Սուրեն Բալիյան

Ամփոփիչ մրցաշարային աղյուսակ

	Թիմեր	Խ	Հ	Ո	Պ	Գ	Մ
1.	Ուլիս	28	15	8	5	38-22	53
2.	Փյունիկ	28	12	10	6	33-28	46
3.	Գանձասար	28	12	10	6	31-18	46
4.	Բանանց	28	12	8	8	42-30	44
5.	Միկա	28	12	8	8	36-25	44
6.	Իմպուլս	28	10	7	11	37-36	37
7.	Շիրակ	28	6	7	15	27-42	25
8.	Արարատ	28	2	4	22	14-57	10