Ձերբակալվել է զինծառայողից կաշառք վերցնելու մեջ կասկածվող զորամասի շտաբի պետը

ՀՀ ՊՆ զորամասերից մեկի շտաբի պետին կաշառք տալու մասին /3000 ԱՄՆ դոլար/ օպերատիվ տեղեկությունների հիման վրա ՊՆ քննչական ծառայության հատկապես կարևոր գործերի քննչական բաժնում ՀՀ քրեական օրենսգրքի 311 հոդվածի 3-րդ մասի 3-րդ կետով նախատեսված հանցագործության հատկանիշներով 2011թ. նոյեմբերի 8-ին հարուցվել է քրեական գործ և կատարվում է նախաքննություն:

ՀՀ ՊՆ  զորամասի շտաբի պետը 2011թ. նոյեմբերի 8-ին ձերբակալվել է նույն զորամասի ժամկետային զինծառայողին մեկ այլ զորամաս տեղափոխելու համար կաշառք ստանալու կասկածանքով:

Քրեական գործի նախաքննությունը շարունակվում է, հայտնում են ՀՀ ՊՆ քննչական ծառայությունից: