«ԳԱԶ-2410»-ի վարորդը բախվել է «Միցուբիշիին», վրաերթի ենթարկել մարդկանց ու փախել (ՖՈՏՈ)

Նոյեմբերի 9-ին, ժամը 04.20-ի սահմաններում, «ԳԱԶ-2410» մակնիշի ավտոմեքենան Ապարան-Աշտարակ ճանապարհի 3-րդ կմ-ին բախվել է ճամփեզրին կայանված «Միցուբիշի»  մակնիշի ավտոմեքենայի, ինչից հետո վրաերթի է ենթարկել փողոցում գտնվող երկու քաղաքացիների, ապա բախվել «ՎԱԶ-2105» մակնիշի ավտոմեքենայի:

Վրաերթի ենթարկված քաղաքացիները մարմնական վնասվածքներով տեղափոխվել են հիվանդանոց, իսկ «ԳԱԶ-2410»-ի վարորդը դեպքի վայրում թողնելով ավտոմեքենան՝ դիմել է փախուստի:

Ոստիկանության փոխանցմամբ` կատարվում է քննություն: