Home / Հայաստան / Բանակում սննունդը լավն է, պնդում է պատգամավորը

Բանակում սննունդը լավն է, պնդում է պատգամավորը

«Չորրորդ ինքնիշխանություն» օրաթերթը բազմաթիվ նամակներ է ստանում հանրապետության տարբեր զորամասերում գտնվող զինվորների ծնողներից, որոնք դժգոհում են զինվորներին տրվող վատ սննդից:

Այս կապակցությամբ «ՉԻ»-ն փորձել է պաշտպանության հարցերի մշտական հանձնաժողովի նախագահ Հրայր Կարապետյանից ճշտել` արդյոք ավելացել են Պաշտպանության նախարարությանը հատկացված գումարները, և եթե`այո, ապա արդյոք դրանք կուղղորդվեն զինվորների սննդակարգի բարելավմանը:

Հրայր Կարապետյանը հաստատել է, որ իրոք Պաշտպանության նախարարությանը տրված գումարներն ավելացել են:

Բյուջեն դեռևս  քննարկման փուլում է, իսկ մեր հանձնաժողովն առաջարկներ է ներկայացրել, որպեսզի մի քանի հոդվածներում ավելացման առումով փոփոխություններ լինեն: Մասնավորապես, մենք առաջարկել ենք 10 տոկոսով ավելացնել պայմանագրային զինծառայողների աշխատավարձը և բնակֆոնդը կես միլիարդից դարձնել 3 միլիարդ`ինչպես նախանցյալ տարվա չափն էր: Ինչ վերաբերում է զինվորներին հատկացվող սննդին, պետք է ասեմ, որ այդպիսի տեղեկություններ չունեմ: Ընդհակառակը, երբ որ մենք ստուգայցեր ենք կատարում , կատարում ենք հանկարծակի, առանց զգուշացնելու, և ի տարբերություն նախորդ տարիների սննդակարգի`դրական առումով փոփոխություններ կան», – նշել է Կարապետյանը: