Շիրակի մարզում ավտոբուսը թաղվել է ձյան մեջ

Նոյեմբերի 18-ին` ժամը 03.07-ին ՀՀ ԱԻՆ փրկարար ծառայությունն ահազանգ է ստացել, որ Շիրակի մարզում` Թորոսգյուղ-Աշոցք ավ­տո­ճանապարհի 6-րդ կմ-ում մարդատար ավտոբուսը դուրս է եկել ճանապարհի երթևեկելի մասից և թաղվել ձյան մեջ. անհրաժեշտ է օգնություն:

Դեպքի վայր են մեկնել «Աշոցքի Ճանշին» ՓԲԸ աշխատակիցները, որոնց կողմից կատարվել են ճանապարհի մաքրման և աղալցման աշխատանքներ, և ճանապարհը երթևեկելի է դարձել:

Գյումրի քաղաքից դեպքի վայր մեկնած ավտոբուսով, ուղևորները (մոտ 60 քաղա­քա­ցի) տեղափոխվել են Երևան քաղաք: